ENTRE BURLAS Y VERAS. ENTREMESES

ENTRE BURLAS Y VERAS. ENTREMESES, VIANDAS Y OTROS MANJARES. LOPE DE RUEDA.

(Idioma de la representación: castellán)

Creemos que ye importante recuperar la cai como un espaciu d'ociu, nel que les acciones culturales que puedan plantegase en cualquier sentíu tengan una relación directa cola redolada. Trátase pos, d'una invitación a la fiesta.

La compañía, con esti espectáculu, sigui desenvolviendo la so llínea de producción denomada xenéricamente “Ente burlles y veres”, dedicada a recuperar clásicos españoles y del que yá formaron parte otros espectáculos (Clásicos del Sieglu d'Oru/2002, El caballeru de la murnia figura/2004 y 2016, Entremeses de Cervantes/2016)

 

Conteníu

Nesti casu propónse la puesta n'escena d'un espectáculu risible, entreteníu y de senciella comprensión, ambientado na dómina del Renacimientu, y conformáu por dellos pasos del autor Lope de Rueda, arreglaos con intervenciones musicales y aiciones ente'l públicu, como degustaciones o la rifa d'un xamón.

El montaxe ta integráu polos conocíos pasos Les Aceitunes, La Carátula y Cornudu y contentu. Les intervenciones musicales pertenecen al repertoriu medieval español: Más vale trocar, El Turdión, Teresica hermana, Güei comamos y bebamos.

Una compañía itinerante llega a la plaza del pueblu y representa esti compendiu de pieces de teatru popular y música.

 

L'autor:

Lope de Rueda (1510 – 1565) ye xuna figura de referencia dientro de la hestoria del teatru español. Autor, actor y director d'una compañía itinerante, importa la tradición italiana del teatru popular y de plaza pública, basáu na Commedia de’ll Arte. Considérase-y el creador de los Pasos, composiciones dramatúrxicas situacionales, curties y cómiques.  

La compañía: Producciones Nun Tris

Agrupación de cómicos y cómiques que dende 1992 lleven desempeñando l'oficiu d'entretener, ilustrar y divertir al pueblu. A lo llargo d'esti periplu concibieron y representaron con ésitu más de mediu centenar de comedies de toles clases, pequeñes y multitudinaries, farsesques o dramátiques, adoptando la compañía, según les repartos y l'ocasión, formes diverses, dende'l ñaque de los primeros tiempos hasta la compañía de los nuevos.

 

Repartu:

Susana Gudín

Inmaculada Rodríguez

Carlos Rodríguez

Antón Caamaño

 

 

Direición: Inmaculada Rodríguez