Xuanón Enamoráu

Espectáculu de calter cómicu, de cenciella comprensión, con ciertu interés sociolóxicu y hestóricu, y que se desenvuelve nun contestu importante pa la cultura asturiana, como ye la dómina de la emigración a Cuba a finales del sieglu XIX y principios del XX. Unu de los trabayadores del teatru Alhambra de L'Habana recuerda, nes ruines del teatru, unu de los espectáculos. Trátase de Xuanón namoráu, un xuguete llíricu, tipu comedia, con númberos musicales de ambientación cubana. La mulata Micaela y el rumberu Manengue intenten busca-y mozu a Dña. Enriqueta, una curiosa vilba de 25 años, indecisa de si aceptar a dalgún de los sos pretendientes.

La so criada aconséya-y que case con unu "ricu de verdá", anque nun sía médicu nin sportsman nin abogáu, y intercede a favor del tímidu y axatáu Xuanón, emigrante y comerciante asturianu, a quien enseñen a namorar, pos les sos referencies amatories son l'almacén, les cuentes y les sardines asturianes.

 

Repartu:

Lara Herrero

Susana Gudín

Fernando Marrot

Carlos Rodríguez

Antón Caamaño

Maestru al piano: Mario Álvarez

Direición: Inmaculada Rodríguez

 

(Na representación emplégase l’asturianu y el castellán)

 

FICHA DE LA OBRA: Descargaila equí