xuanon namorau

producciones de teatro nuntris
Xuanón namoráu

Xuanón namoráu

Ye un espeutáculu de calter cómicu, de mui fácil comprensión, con ciertu interés históricu y sociolóxicu, y que se desendolca nun contestu importante pa la cultura asturiana, como ye la época de la emigración, concretamente a Cuba, de finales del S. XIX, principios del XX.

Trátase d'un espeutáculu de teatru bufu con ambientación cubana, y una estética paecía a los espeutáculos americanos del Minstrell Show; la cadarma ye la de les zarzueles de la época, con númberos cómicos y musicales; l'autor, F. Villoch, la noma “xuguete cómicu-llíricu nun actu”.

Per un llau, la compañía vien trabayjando ya investigando fai años sobre los estremaos desendolques que tien el Teatru Asturianu; ésti ye un exemplu, ensin ser esencialmente costumista, de teatru asturianu nel esterior, que tamén valdría pa dar cohesión, xuntanza, al grupu social de los emigrantes. Per otru, la compañía siempres caltuvo rellación col mundu llíricu, d'una manera o d'otra. La música orixinal, de Manuel Mauri, ye irrecuperable; polo tanto, propunximos, pa dar un mayor pesu a lo musical nel montaxe, varios temes de raigañu folclórico cubano, (danzón, guaracha y boleru) que yeren los que recoyía l'orixinal nel testu, y añidimos dos temes llíricos (Summertime, de la ópera Porgy and Bess, de Gershwin, y la Romanza de Maria la O, de Lecuona) , una guaracha, una tonada asturiana y un boleru más (Celia, que sí compuso Mauri). Ye esi conocimientu del mundu llíricu y de los sos profesionales lo que permite encarar esti proyeutu con toles garantíes.

Un de los trabayadores del Teatru Alhambra recuerda nes ruinas del teatru ún de los espectáculos. Trátase de Xuanón namoráu, un xuguete llíricu, de calter cómicu, con númberos musicales d'ambientación cubana. La mulata Micaela y el rumberu Manengue intenten busca-y noviu a una viuda de veinticinco años, Enriqueta, que nun sabe si aceutar a dalgún de los sos pretendientes. La so criada aconséya-y que se case con ún “ricu de verdá” anque nun seya mélicu ni sportsman ni abogáu, ya intercede a favor del tímidu y toscu Xuanón, emigrante y comerciante asturianu, al qu'enseñen a namorar, ya que les sos referencies amatories son l'almacén, les cuentes y les sardines asturianes. Termina convidando al públicu a la boda de Xuanón. 

 
Repartu: 
Vanesa Touza (Enriqueta)
Lara Herrero (Micaela)
Fernando Marrot (actor, Ricardo)
Carlos Rodríguez (Manengue)
Antón Caamaño (Xuanón) 
 
Pianista: 
Mario Álvarez
 
Ayte. Direición: Antón Caamaño
Direición: Inma Rodríguez
 
Coreografía: Belén Novo
Adautación testu: Lluis Portal
Diseñu gráfico: Gloria Caamaño
Espaciu escénicu, vistimienta y llume: Producciones Nun tris
Espaciu sonoru: Antón Caamaño
  • 9/1/2013
  • Estreno de Xuanón namoráu

  • Leer más
separa noticia
  • 7/15/2013
  • Libro Quince años Nun Tris

  • Leer más
separa noticia
  • 2/16/2013
  • ESTRENO DE "EL PELEGRÍN VALIENTE" EN FETEN 2013

  • Leer más
separa noticia
contrátenos rápido y fácil

ESPECTÁCULOS EN CARTEL

© 2010 Producciones Nun Tris | contacto | | Accesibilidad |