¡¡¡ESTRENA!!! La Sierva Patrona

Los clásicos de les tables reinventense para ampliar la ufierta del branu en Villaviciosa. Del 19 al 22 de xunetu va cellebrase na villa la primer edición del Festival de Teatru Clásicu Puebla de Maliayo, qu'acoyerá espectáculos de compañíes asturianes y, tamién, de dos madrileñes.

El certamen ye l'escenariu escoyíu por Producciones Nun Tris pa estrenar la so adaptación de la ópera de cámara 'La sierva patrona', que se someterá al esame del públicu'l vienres de la prósima selmana.

El campamentu base del festival, qu'ayeri presentaron la primer teniente d'alcalde del Conceyu, Lorena Villar, y los actores de Producciones Nun Tris Inma Rodríguez, Toño Caamaño y Susana Gudín, sedrá'l Teatru Riera.