Estrena de "Alfonso y Estrella 3.0", ópera de cámara.

Cola asistencia de numberosu públicu llevóse a cabu la estrena de la igua de la ópera homónima de Franz Schubert. Empobinada a públicu familiar, participaron na representación la sopranu Vanessa del Riego, nel papel d'Estrella y otros personaxes; el tenor Gaspar Braña, nel papel d'Alfonso y otros; y el barítonu Óscar H. Castillo, como Mauregato y otros. Les mázcares son obra de Jose Miguel Beneyto, y la vistimienta de Susana de Dios. La dirección musical y l'acompañamientu al pianu tuvo a cargu de Mario Álvarez, la dramaturxa ye d'Inma Rodríguez, y la traducción y dirección del montaxe ye d'Antón Caamaño. 

Esti espectáculu gozó d'una residencia artística en Llaboral Centru d'Arte l'añu pasáu, y recibió dos pequeñes ayudes de la Conseyería de Cultura del Principáu d'Asturies y del Conceyu de Xixón