La compañía participa dientro´l proyeutu "Ópera para peques"

La compañía Producciones Nun Tris estrenó una versión n'asturianu de la ópera Bastián y Bastiana de W. A. Mozart nel añu 2013, que se representó demientres toos estos años en numberoses ocasiones por conceyos, teatros y dientro de campañes escolares.  

Agora trátase de realizar una nueva adaptación de la mesma pa públicu de 2 y 3 años, por encamientu d'Ópera de Oviedo y en virtú del alcuerdu robláu por esta entidá, l'Institutu d'Investigación ya innovación Educativa y el Dptu. d'Arte y Musicoloxía de la Universidá d'Uviéu, que se concreta nel proyeuto d'investigación denomáu "Ópera para peques".

En términos xenerales, masque la representación ye una parte d'un proyeutu de calter educativu, sobre manera afitáu n'aspeutos que tienen que ver col desendolque d'aptitúes nel públicu al traviés de la música, consideramos que daqué cosa que pue estremar esta propuesta d'otres pa esti mesmo públicu sedría amosar y emplegar, dientro les posibilidaes, el calter teatral de la ópera, que obviamente ye música, pero tamién espectáculu.

 

FICHA TÉUNICA

Bastiana: Vanessa del Riego

Bastián: Gaspar Braña

Colás: Antón Caamaño.

 

Pianista: Mario Álvarez

 

Ayudante de direcición, producción: Inma Rodríguez

Adaptación del testu, dramaturxa y direición escénica: Antón Caamaño

 

 

Por parte de Ópera Oviedo intervienen:

 

Alfonso Malanda: Iluminación y escenografía

Susana de Dios: Vestuariu

PROYEUTU ENTAMÁU POL DPTU. D'ARTE Y MUSICOLOXÍA DE LA UNIVERSIDÁ D'UVIÉU (Laura Miranda) y l'INSTITUTU D'INVESTIGACIÓN YA INNOVACIÓN EDUCATIVA, EN COMUÑA CON ÓPERA D'UVIÉU.