La Sierva Patrona, dientro'l Festival Nel Amaro de Teatru Profesional Asturianu

La versión n'asturianu de la ópera de G. B. Pergolesi, estrenada el 5 de mayu na Casa Cultura de Nava, va echase dientro'l Festival Nel Amaro de Teatru Profesional Asturianu'l día 28/10/22 a les 18 h. 

Dientro'l montaxe, que recibió una Ayuda a la producción por parte de la Conseyería de Cultura pa poner n'escena esta versión, participen la sopranu Vanessa del Riego, como Serpina; el barítonu Óscar H. Castillo como Uberto y María Triguero, como Viespón. Van tar acompañaos al pianu por Mario Álvarez. La traducción al asturianu, espublizada na revista Lliteratura nel año 2019, como tamién la direición d'escena son responsabilidá d'Antón Caamaño.